நித்திய சஞ்சீவிகளில் ஒருவராகி, ஒளிர்மேனி சிவத்துடன் நவம் கனிந்து, சிவத்தில் கலந்து, சிவலிங்கமாக கொலு வீற்றிருக்கும் ஸ்ரீமத் சதானந்த சுவாமிகளின் ஜீவசமாதி உள்ள சதானந்தபுரத்தில் அமைதி , மகிழ்ச்சி , சாந்தம் , மலர்ச்சி , வளர்ச்சி மிகுதியாக உள்ளது.இங்கு நித்திய பூஜையுடன் மாதந்தோறும் பிரதோஷம் , பௌர்ணமி மற்றும் மகம் நட்சத்திர மாத குருபூஜை விழா தினத்தன்று சிறப்பு அபிஷேகம் , மலர் அலங்காரம் , நாதஸ்வரம் , பக்தி பாடல்கள் மற்றும் அன்னம் பாலிப்பு சிறப்பாக கொண்டாடப்படுகிறது.

தமிழகம் மட்டுமல்லாது மற்ற மாநிலங்களிலிருந்தும் ஏராளமான பக்தர்கள் வந்து வழிபாடு செய்கின்றனர் .மேலும் வெளிநாட்டினர் பலரும் அவ்வப்போது வந்து சுவாமிகளை தரிசனம் செய்கின்றனர்.சுவாமிகள் 1922 ஆம் ஆண்டு ஜீவசமாதி அடைந்த தை மாத மகம் நட்சத்திர தினத்தன்று ஒவ்வொரு ஆண்டும் மகா குருபூஜை விழாவெகு விமரிசையாக கொண்டாடப்பட்டு வருகின்றது அதில் பல்லாயிரக்கணக்கான பக்தர்கள் கலந்துகொண்டுகுருவருளும், திருவருளும் பெற்று செல்கின்றனர்